Философия, саясаттану және
дінтану Институты дінтану
орталығының ғылыми қызметкері
Қасабекова Еңлік Құралғазықызы
Салт-дәстүрімізді ұлықтау, ұрпақтан ұрпаққа жалғастыру, қазақы тәрбие беру ең алдымен ата-аналардың парызы, міндеті. Бүгінгі келіп жеткен Көрісу мерекесі құтты болсын, еліміз аман, жұртымыз тыныш болсын! 14-ші наурыз Көрісу мерекесінде ата-бабаларымыз қыстан аман-есен шыққандарына, көктемге жеткендеріне қуанып, алыс-жақын туыстарына барып көрісіп, бір жасың құтты болсын деген екен. Мал жаның аман ба, бастарың бүтін бе, жаңа жасымыз, жаңа көктеміміз құтты болсын дескен екен. Олай болса, жаңа жылымыз, жаңа жасымыз құтты болсын, жылдан жылға басымыз аман, бауырымыз бүтін болып жете берейік!
