2023 жылғы 24 ақпан жұма күні ҚР ҒЖБМ ҒК Философия, саясаттану және дінтану институтының Саяси зерттеулер орталығы "Қазақстанда электоралдық кезеңде көппартиялылықты дамыту: сарапшылар мен партия белсенділерін бағалау" тақырыбында дөңгелек үстел өткізуді ұйымдастырды. Отырыстың модераторы – ҚР ҒЖБМ ҒК ФСДИ бас ғылыми қызметкері, философия ғылымдарының докторы, профессор Қадыржанов Рүстем Қазақбайұлы болды.

Аталған тақырыпты талқылауға Қазақстанның партиялық жүйесін дамыту аясында ҚР Парламенті Мәжілісі мен мәслихаттарының депутаттарын сайлау жөніндегі ағымдағы сайлау науқанының өзекті мәселелеріне қатысты кәсіби бақылаулар мен ұсынымдар ұсына отырып, өздерінің сыртқы бағаларын жеткізген белгілі қазақстандық ғалымдар мен шетелдік сарапшылар қатысты.

Онлайн және офлайн форматта ұйымдастырылған "Қазақстандағы көппартиялылықты сайлау кезеңінде дамыту: сарапшылар мен партия белсенділерін бағалау" атты дөңгелек үстелінің отырысы барысында қазақстандық және шетелдік ғалымдардың пікірлері тыңдалды:

ҚР ҒЖБМ ҒК ФСДИ Саяси зерттеулер орталығының директоры А.М. Әміребаев;

ҚР ҒЖБМ ҒК ФСДИ профессоры, с.ғ.д. Ю.О. Булуктаев;

ҚР ҒЖБМ ҒК ФСДИ қызметкері, Т.Т. Исмағамбетов;

Назарбаев Университетінің профессоры, PhD докторы, Риккардо Пелиццо;

"Альтернатива" талдау орталығының жетекшісі, саяси ғылымдар кандидаты, Андрей Чеботарев, Өскемен қаласы;

Д. Серікбаев атындағы ШҚУ доценті, саяси ғылымдар кандидаты Светлана Линок.

Челябі мемлекеттік университетінің Қостанай филиалының проректоры, философия ғылымдарының кандидаты Денис Каяеев, Қостанай қаласы.

Дөңгелек үстел спикерлерінің жалпы пікірі Мемлекет басшысының саяси табандылығы мен ерік-жігері арқасында қол жеткізілген саяси жүйені қайта жаңғырту, осы үшін бөлінген мерзімде ресімделді деген өзекті тезистер төңірегінде қалыптасты. Ал осы ауқымды өзгерістер бағдарламасының және алдағы 2023 жылғы 19 наурыздағы сайлаудың нәтижелілігі одан әрі тұрақты экономикалық өсуді қамтамасыз ету, Қазақстан азаматтарының әл-ауқаты мен өмір сүру сапасын арттыру жөніндегі ұзақ мерзімді міндеттерді шешуге шоғырлануға мүмкіндік береді. Бұл ретте беделді сарапшылар мен ғалымдар отандық сайлаушы үшін партиялық тізімдер бойынша қазіргі сайлау партиялық бәсекелестіктің нақты мүмкіндігіне және жекелеген бір мандатты округтерде қалыптасатын сайлау жағдайына байланысты өте жоғары қызығушылық тудыратынын атап өтті.

     Осы факторлармен еліміздегі барлық сайлау процесінің ықтимал табысы қамтамасыз етілетін болады, - деп атап өтті отырыс соңында "Қазақстанда электоралдық кезеңде көппартиялылықты дамыту: сарапшылар мен партия белсенділерін бағалау" атты дөңгелек үстелінің барлық қатысушылары.

           ФСДИ Ақпараттық-ұйымдастыру жұмысы орталығы