ФСДИ Дінтанулық зерттеулер орталығының жетекшісі Алмасбек Шағырбай Нұр-Мүбарак университетінің 1-курс докторанттарымен ғылыми кездесу өткізді.

Кездесу барысында докторанттардың зерттеу тақырыптары, ғылыми мақалалар дайындау үдерісіндегі өзекті мәселелер және зерттеу нәтижелерін халықаралық ғылыми журналдарда жариялау мүмкіндіктері талқыланды.

Жас зерттеушілер өздерін қызықтырған сұрақтарын қойып, ғылыми-зерттеу жұмысына қатысты тәжірибе алмасты. Кездесу ашық диалог форматында өтіп, докторанттардың ғылыми ізденістерін қолдауға бағытталды.