Рустем Мустафин, ИФПР Цифрлық әлеуметтік ғылымдар орталығының жетекшісі

Қазақстан индустриялық дәуірге негізінен шикізат жеткізуші ел ретінде енді және бұл мамандану 1991 жылдан кейін де көп жағдайда сақталды. Бүгінде жасанды интеллект осы бағытты өзгертуге берілген сирек мүмкіндіктердің біріне айналып отыр. 2025 жылғы Жолдауында Президент үш жыл ішінде Қазақстанды толыққанды цифрлық елге айналдыру міндетін қойды.

Өткен жылы әлемдік технологиялық бәсеке айтарлықтай жеделдеді. Stanford AI Index 2026 деректеріне сәйкес, 2025 жылы жасанды интеллектке салынған жаһандық корпоративтік инвестиция көлемі 581,7 млрд долларға, ал жеке инвестициялар 344,7 млрд долларға жетті. Оның 285,9 млрд доллары АҚШ-қа тиесілі. Салыстыру үшін: Қазақстанның 2025 жылғы жалпы ішкі өнімі шамамен 306 млрд долларды құрады. Экономикалық көрсеткіштер әртүрлі болғанымен, бұл салыстыру қазіргі технологиялық бәсекенің ауқымын түсінуге мүмкіндік береді.

Қазақстан үшін АҚШ немесе Қытаймен тікелей бәсекеге түсу тиімсіз. Алайда салыстырмалы түрде шағын елдің басқа артықшылығы бар: реформаларды жылдамырақ үйлестіру, бірыңғай стандарттар қалыптастыру және цифрлық жүйелерді біріктіру мүмкіндігі.

kazpravda.kz