2023 жылғы 19 желтоқсан сейсенбіде ҚР ҰҒА Бірінші Вице-Президенті ФСДИ Бас директоры С.Т. Сейдуманов бастаған Қытайдағы қазақстандық ғылыми делегация мүшелерінің кезекті жоспарлы кездесуі Шығыс Қытай педагогикалық университетінің (ШҚПУ) Қазақстанды зерттеу орталығының алаңында кеңейтілген сараптамалық кездесу форматында өтті.

ШҚПУ 1951 жылы құрылған және Қытайдағы ең ірі мемлекеттік оқу орындарының бірі. Бұл университеттің құрамына әртүрлі департаменттер, мектептер, колледждер, ғылыми-зерттеу институттары, ғылыми орталықтар мен зертханалар кіреді. Сонымен қатар, ШҚПУ-да бакалавриат, магистратура және докторантура бағдарламалары аясында түрлі гуманитарлық және техникалық мамандықтар оқытылады. ШҚПУ Қазақстанды зерттеу орталығы Қазақстан-Қытай ынтымақтастығын зерттеу мәселелерімен айналысатын Қытайдың маңызды "ми орталықтарының" бірі болып табылады.

         Ғылыми іс-шара аясында ФСДИ Бас директоры С.Т. Сейдуманов пен Фун Шаоленің өкілі Бэ Венли құттықтау сөз сөйледі. Сараптамалық кездесудің модераторы Шығыс Қытай педагогикалық университетінің Ресей және Еуразиялық зерттеулер институтының вице-президенті және Ресей, Шығыс Еуропа және Орталық Азия зерттеулері Қытай қауымдастығының Орталық Азия және Кавказ бойынша кәсіби комитетінің мүшесі, Қытай ынтымақтастығы ұйымының Шанхай зерттеу орталығының басқарма мүшесі болып табылатын Ван Хайян орталығының директоры болды.

Шығыс Қытай педагогикалық университеті басшылығының өкілдері ҚР ҒЖБМ ҒК Философия, саясаттану және дінтану институтының ғылыми делегациясының мүшелері үшін ШҚПУ Қазақстанды зерттеу орталығының мақсаты мен қызметі туралы толық ақпаратты ұсынды. Жүргізілген жан-жақты диалог барысында тараптар Қазақстан мен Қытайдың салалық академиялық және ғылыми өзара іс-қимылы саласындағы Қазақстан-Қытай қатынастарын одан әрі дамыту перспективаларын егжей-тегжейлі талқылады.

Пікір алмасу және ағымдағы халықаралық жағдайды бағалау қорытындысы бойынша Шығыс Қытай педагогикалық университеті мен Философия, саясаттану және дінтану институтының өкілдері одан әрі ғылыми ынтымақтастық үшін өздерінің ресурстық мүмкіндіктерін айқындады, сондай-ақ Қытайдың Қазақстанмен ғылыми-білім беру ынтымақтастығын дамыту үдерістеріне белсенді түрде жәрдемдесуге терең қанағаттанушылық пен дайын екендіктерін білдірді.

    ФСДИ Ақпараттық-ұйымдастыру жұмысы орталығы