Абай күніне орай Институт қызметкерлері бас директор Айгүл Садвокасованың жетекшілігімен ұлы ойшыл Абайдың ескерткішіне гүл шоқтарын қойды.

Бұл – ұлы ойшылдың рухани және интеллектуалдық мұрасына деген құрметтің символдық көрінісі. Абайдың адам, білім, ғылым, еңбек, ар-ождан және жауапкершілік туралы терең ойлары бүгінгі күні де өзектілігін жоғалтқан жоқ.

Ғылыми қауымдастық үшін Абай мұрасына қайта оралу – ұлы ойшылдың есімін ұлықтаумен ғана шектелмейді. Бұл – оның философиялық идеяларын қазіргі қоғамның өзекті мәселелерімен сабақтастыра отырып, жаңа қырынан зерделеу.

Абайдың рухани мұрасы ұрпақтар сабақтастығын жалғап, қоғамның интеллектуалдық және адамгершілік дамуына қызмет ете берсін.

Абай күні құтты болсын!