AlmaU университетінде «Жолшы» философиялық-мәдени клубының «Егер жасанды интеллект адамнан асып түссе – біздің өміріміздің мәні сақтала ма?» тақырыбында пікірталас кездесуі өтті.

Талқылауға Институттың бас директоры Айгуль Садвокасова бастаған қызметкерлер қатысты.

Кездесу барысында қатысушылар жасанды интеллекттің дамуына байланысты философиялық және этикалық мәселелерді кеңінен талқылады. Атап айтқанда, адам мен технология мүмкіндіктерінің арақатынасы, адамзаттың маңыздылығын сақтау, сондай-ақ қарқынды технологиялық прогресс жағдайында адам өмірінің мәнін іздеу мәселелеріне ерекше назар аударылды.