29 сәуірде Философия, саясаттану және дінтану институтында интеллектуалдық тарих контексіндегі ұлт қалыптастыру мәселелеріне арналған сарапшылық кездесу өтті.

Кездесудің қонағы - тарих ғылымдарының докторы, профессор, әл-Фараби атындағы Қазақ ұлттық университеті Шығыстану факультетінің профессор-зерттеушісі Лаура Ерекешева болды.

Баяндаманың тақырыбы «Үндістандағы ұлт қалыптастыру: интеллектуалдық тарихтың аспектілері». Баяндама барысында ұлт ұғымын түсіндірудегі негізгі тәсілдер, сондай-ақ ұлтшылдық, ориентализм және деколониалдық тұжырымдамалармен байланысты интеллектуалдық дәстүрлердің қалыптасу ерекшеліктері қарастырылды.

Кездесу барысында қатысушылар ұлт ұғымының әртүрлі теориялық интерпретацияларын, үнді контекстіндегі интеллектуалдық дискурстың ерекшеліктерін, сондай-ақ ұлттық бірегейлікті зерттеудің заманауи тәсілдеріне қатысты кең ауқымды мәселелерді талқылады.

Іс-шара гуманитарлық зерттеулердің өзекті мәселелері бойынша ғылыми диалогты тереңдетуге, пікір алмасуға, сондай-ақ ұлт қалыптастыру үдерістерін салыстырмалы тұрғыда зерделеудің пәнаралық тәсілдерін кеңейтуге ықпал етті.