03 ақпанда Достық үйінде қала әкімінің орынбасары Абзал Нүкеновтің қатысуымен сарапшылар қауымдастығымен кездесу өтті.

Іс-шараға Философия, саясаттану және дінтану институтының жетекші саясаттанушылары мен әлеуметтанушылары қатысты. Институт делегациясын бас директордың орынбасары Шолпан Джаманбалаева басқарды. Сонымен қатар кездесуге әл-Фараби атындағы Қазақ ұлттық университеті, Абай атындағы Қазақ ұлттық педагогикалық университеті және өзге де ғылыми-білім беру ұйымдарының профессорлары мен сарапшылары қатысты.

Кездесудің негізгі тақырыбы ҚР жаңа Конституция жобасының нормаларын іске асыру аясындағы мегаполистің әлеуметтік-экономикалық дамуы болды. Талқылау барысында халықтың өмір сүру сапасын арттыру мәселелері, сондай-ақ басқарушылық шешімдерді ғылыми-сараптамалық сүйемелдеудегі ғылыми қауымдастықтың рөлі сөз болды.