28 қараша күні Философия, саясаттану және дінтану институтының қызметкерлері Лаура Тоқтарбекова, Мейрамгүл Исаева, Еңлік Қасабекова әл-Фараби атындағы ҚазҰУ ұйымдастырған ұлы Абайдың 180 жылдығына арналған мәдени-танымдық іс-шараға қатысты.

Іс-шара аясында ақын еңбектерінің парсы, араб, хинди және урду тілдеріндегі нұсқалары қойылған көрме ұйымдастырылды. Абай мұрасының ұрпақ санасындағы орны мен маңызы, сондай-ақ шығыстанушылар мен дінтанушыларды тоғыстыратын ортақ рухани ұлағаты студенттер мен қатысушылар арасындағы мазмұнды диалог барысында айқын көрініс тапты.