2025 жылғы 6 қараша күні Философия, саясаттану және дінтану институтының Әлемдік және қазақ философиясы орталығында әл-Фараби атындағы Қазақ ұлттық университетінің «Философия» мамандығының 2-курс магистранттарымен ғылыми тағылымдама аясында кездесу өтті.

Кездесуге Ержан Құрманбаев, Александра Нурмагамбетова, Әсел Залиева және Дінмұхаммед Байжұма қатысты. Кездесу барысында магистранттар магистрлік зерттеу жұмыстарының нәтижелерін ұсынып, заманауи философиядағы өзекті әдістемелік мәселелер жөнінде пікір алмасты. Сондай-ақ Орталық мамандарынан кәсіби кеңес алды.

Шара конструктивті диалог пен ғылыми ынтымақтастыққа негізделді. Кездесу әл-Фараби атындағы ҚазҰУ мен Философия, саясаттану және дінтану институты арасындағы серіктестікті нығайтуға бағытталған маңызды қадам.