«Әділетті және Прогрессивті Қазақстанның Халықтық Конституциясы үшін!» жалпыұлттық коалициясының бүгінгі кездесуі №4 қалалық перзентхана ұжымында өтті.

Кездесуге коалиция мүшелері Айгүл Садвокасова, Рустам Кайрыев, Әсем Мұсабаева, Дана Қошанова және Әсем Қалманмен қатыстық. 

Кездесу барысында медицина қызметкерлеріне алдағы республикалық референдумның маңызы мен ұсынылып отырған Конституция жобасының негізгі бағыттары жан-жақты түсіндірілді. Ата Заңда мемлекеттік басқару жүйесін жетілдіруге, заң үстемдігін нығайтуға және азаматтардың құқықтары мен бостандықтарын қорғау тетіктерін күшейтуге бағытталғаны атап өтілді.

Сонымен қатар, жаңа нормалардың қоғамдағы әлеуметтік әділеттілікті қамтамасыз етуге, қоғамдық келісімді сақтауға және әрбір азаматтың ел дамуына белсенді қатысуына мүмкіндік беретін құқықтық негіз қалыптастыратыны айтылды.

Кездесу ашық пікір алмасу форматында өтіп, дәрігерлер өз ой-пікірлерін білдіріп, алдағы референдумға белсенді қатысатынын жеткізді.