2026 жылғы 24 маусымда Философия, саясаттану және дінтану институтында Жас ғалымдар кеңесінің (ЖҒК) ұйымдастыруымен Осло университетінің (Норвегия) Әдебиет, аймақтану және еуропалық тілдер департаментінің қауымдастырылған профессоры, ЕҚЫҰ Халықаралық академиясының (Бішкек, Қырғызстан) шақырылған оқытушысы Хельге Блаккисрудтың қатысуымен семинар өтті.

Кездесу барысында профессор ғылыми-зерттеу және оқытушылық қызметтегі көпжылдық тәжірибесімен бөлісіп, халықаралық академиялық басылымдарға ғылыми мақалаларды дайындау, жазу және жариялау мәселелері бойынша тәжірибелік ұсыныстарын ұсынды. Әсіресе зерттеу тақырыбын таңдау, ғылыми мақаланың құрылымы, рецензияланатын журналдардың талаптары, сондай-ақ зерттеушілердің жарияланымдық белсенділігі мен академиялық танымалдылығын арттыру мәселелеріне ерекше назар аударылды.

Семинар қатысушылары академиялық мансапты дамыту, халықаралық ғылыми ынтымақтастықты нығайту және зерттеушілік дағдыларды жетілдіру бойынша құнды кеңестер алды. Қызу пікірталас барысында жас ғалымдар заманауи ғылымның өзекті мәселелерін, жарияланым этикасын және халықаралық зерттеу жобаларына қатысу мүмкіндіктерін талқылады.

Семинар соңында сұрақ-жауап сессиясы ұйымдастырылып, қатысушылар профессор Хельге Блаккисрудпен академиялық жазу, жарияланымдық қызмет, халықаралық ғылыми ынтымақтастық және зерттеушілік мансапты дамыту мәселелері жөнінде пікір алмасты. Жас ғалымдар сарапшылық ұсыныстар алып, кәсіби дамудың келешек бағыттарын талқылауға мүмкіндік алды.

 Институттың Жас ғалымдар кеңесі профессор Хельге Блаккисрудқа мазмұнды баяндамасы, құнды кеңестері және жас зерттеушілердің кәсіби қалыптасуына көрсеткен қолдауы үшін шынайы алғысын білдіреді.