Философия, саясаттану және дінтану институтында Қазақстанда және әлемде саяси ғылымды дамытудың өзекті мәселелеріне арналған стратегиялық сессия өтті. Іс-шараның ұйымдастырушысы - ФСДИ Салыстырмалы саяси зерттеулер орталығы.

Стратегиялық сессияның тақырыбы - «Қазақстандағы және әлемдегі саясаттану: үрдістер, мағыналар және қоғамдық сананың әлеуметтік өзгерістерге әсер ету тәсілдері». Іс-шараның мақсаты саяси ғылымды дамытудың негізгі мәселелері мен перспективаларын талқылау, қазіргі заманғы үрдістерді талдау, сондай-ақ жаһандық және өңірлік өзгерістер жағдайында саясаттанудың қоғамдық сананы қалыптастырудағы және әлеуметтік өзгерістердегі рөлін зерделеу болды.

Іс-шараны Институттың бас директоры Айгүл Садвокасова ашып, құттықтау сөз сөйледі. Стратегиялық сессияның модераторы Салыстырмалы саяси зерттеулер орталығының жетекшісі Айдар Әмребаев болды.

Стратегиялық сессия жұмысына негізгі спикерлер ретінде еліміздің жетекші ғалымдары мен сарапшылары қатысты:
•  Айдос Сарым - саясаттанушы, ҚР Парламенті Мәжілісінің депутаты;
•   Толғанай Үмбеталиева - саясаттанушы, Орталық Азия демократияны дамыту қорының бас директоры;
•   Андрей Чеботарев - саясаттанушы, «Альтернатива» өзекті зерттеулер орталығының директоры;
•   Владимир Дунаев - профессор, ФСДИ бас ғылыми қызметкері;
•   Рүстем Қадыржанов - профессор, ФСДИ бас ғылыми қызметкері.

Стратегиялық сессия аясында жаһандық тұрақсыздық жағдайындағы саяси үдерістердің трансформациясы, саяси коммуникация нысандарының өзгеруі, сондай-ақ қоғамдық маңызы бар шешімдерді қабылдауда сараптамалық және академиялық білімнің рөліне қатысты кең ауқымды мәселелер талқыланды. Саяси ғылымды дамытудың ұлттық және жаһандық контексттерінің арақатынасына, саясаттанудағы пәнаралық тәсілдерге және ғылыми зерттеулердің нәтижелерін мемлекеттік саясат пен қоғамдық даму саласында практикалық қолдану мүмкіндіктеріне ерекше назар аударылды.

Жұмыс барысында қатысушылар саяси ғылымның заманауи теориялық және қолданбалы бағыттарын, саяси зерттеулердің қоғамдық-саяси үдерістерге ықпал ету тетіктерін, сондай-ақ әлемдік үрдістер контекстінде Қазақстандағы саясаттанудың дамуындағы сын-қатерлер мен мүмкіндіктерді қарастырды.

Стратегиялық сессия қорытындысы бойынша қатысушылар Қазақстанда саяси ғылымды одан әрі дамытудың өзектілігін, пәнаралық зерттеулерді кеңейту қажеттігін және ғылыми қауымдастықтың мемлекеттік билік органдарымен және қоғаммен өзара іс-қимылын күшейтудің маңыздылығын атап өтті. Отандық саяси зерттеулерді халықаралық ғылыми кеңістікке интеграциялаудың маңызы ерекше атап өтілді.