Мемлекет басшысы Қасым-Жомарт Тоқаевтың Корея Республикасына мемлекеттік сапары аясында корей компанияларымен бірқатар маңызды келісімдер жасалып, Қазақстанда жаңа өндірістер мен технологиялық жобаларды іске асыруға басымдық берілді. Бұл бастамалар екіжақты экономикалық байланыстарды жаңа деңгейге көтеріп, Қазақстанның корей бизнесі үшін өңірлік өндірістік және инвестициялық хаб ретіндегі әлеуетін арттыра түседі.

ФСДИ жетекші ғылыми қызметкері Руслан Изимовтің пікірінше, алдағы кезеңде критикалық минералдар, автомобиль жасау және технологиялық сектор қазақ-корей ынтымақтастығының негізгі драйверлеріне айналуы мүмкін. Сарапшы Қазақстанның ресурстық әлеуеті мен Кореяның технологиялық мүмкіндіктерін ұштастыру Орталық Азиядағы инвестициялық, өндірістік және логистикалық байланыстарды дамытуға жаңа мүмкіндік беретінін атап өтті.

Nege Media