Астанадағы Достық үйінде Қазақстан халқы Ассамблеясының Ғылыми-сарапшылық кеңесінің отырысы өтті. Отырыс барысында қатысушылар қоғамдық бірлікті және этносаралық келісімді нығайтуға бағытталған жаңа Конституция жобасын және оның негізгі ережелерін бірауыздан қолдады. Іс-шараға Қазақстан халқы Ассамблеясы Ғылыми-сарапшылық кеңесінің төрағасы, Философия, саясаттану және дінтану институтының бас директоры Айгүл Садвокасова қатысты.

Өз сөзінде А.Садвокасова «Қазақстан қоғамындағы Әділеттілік – бұл қоғам мен тұлға арасындағы, олардың әлеуметтік қатынастар жүйесіндегі орны мен рөліне қатысты, құқықтар мен бостандықтардың іске асу деңгейімен айқындалатын консенсус» екенін атап өтті.