Елордада Мемлекет басшысы Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIII съезінің пленарлық отырысы ашылды.

Биылғы форумға әлемнің 60 елінен 700-ден астам қатысушы жиналды. Астанада ислам, христиан, иудаизм, буддизм, индуизм, даосизм, синтоизм және басқа да дін өкілдерімен қатар, халықаралық ұйымдар мен рухани орталықтардың көшбасшылары бас қосты.

 Съездің мақсаты – діндердің жасампаздық әлеуетін танытып, рухани лидерлердің күш-жігерін біріктіру арқылы заманауи өзекті мәселелер мен жаһандық сын-қатерлерге жауап іздеу.

Философия, саясаттану және дінтану институтынан форум жұмысына Дінтанулық зерттеулері орталығының ғалымдары Алмасбек Шағырбай мен Бақытжан Сатершинов қатысуда.