ФСДИ Дінтанулық зерттеулер орталығы жас мамандармен «Дінтану мен психология колобарациясы» тақырыбында кездесу өткізді.

Дінтану және психология бағыты бойынша зерттеу жасап жүрген жас мамандар Институт ғалымдарымен аталмыш мәселелер төңірегіндегі түйіткілдерді жан-жақты талқылады.

Кездесу барысында дінтану мен психология арасындағы ғылыми байланысқа тоқталып, оның ғылыми негізіне қатысты тың пікірлер айтылды. Сондай-ақ, ФСДИ зерттеушілері аталмыш мәселелер бойынша ойларымен бөлісіп, болашақта екі тарапқа да ортақ ғылыми еңбектер даярлау мүмкіндіктерін қарастырды.

Дінтанулық зерттеулер орталығының PhD, психолог-педагогы Еңлік Қасабекова бұл тақырыптың заманауи түйіткілдерді қамтитынын ескере отырып, болашақта ортақ ғылыми-зерттеу еңбегін шығару мүмкіндігін қарастырудың қажеттілігін алға тартты.