Бүгін, 30 наурыз күні, Философия, саясаттану және дінтану институтында Ғылыми кеңестің отырысы өтті. Кездесу барысында ғылыми қызметтің өзекті мәселелері, зерттеу жобаларын үйлестіру, сондай-ақ Институттың даму перспективалары талқыланды. Кеңес мүшелері ғылыми жұмыстың тиімділігін арттыру, ғылымды цифрландыру және ФСДИ ғылыми саладағы рөлін күшейту мәселелері бойынша пікір алмасты.

Стратегиялық даму жөніндегі бас директордың орынбасары Ермек Тоқтаров баяндама жасап, Институттың Стратегиялық даму жоспарын таныстырды. Баяндамада ФСДИ халықаралық деңгейде бәсекеге қабілетті, заманауи ғылыми-зерттеу институтына айналдыруға бағытталған негізгі қызмет бағыттары айқындалды. Арнайы назар кадрлық әлеуетті дамытуға, жетекші ғалымдар мен жас зерттеушілерді тартуға, халықаралық ғылыми ынтымақтастықты кеңейтуге, ғылым, мемлекет және қоғам арасындағы өзара әрекетті нығайтуға, сарапшылық қызметтің сапасы мен құндылығын арттыруға, ғылымды насихаттауға және ғылыми процестерді цифрландыруға аударылды. Сонымен қатар, стратегиялық жоспардың мақсатты индикаторлары мен олардың орындалуын бағалау да қаралды.

Отырыс барысында Институттың әрі қарай ғылыми және ұйымдастырушылық дамуын қамтамасыз ету мақсатында стратегиялық жоспарлаудың маңыздылығы мен ғалымдардың үйлескен қызметінің рөлі ерекше атап өтілді.