2026 жылғы 22 маусымда Философия, саясаттану және дінтану институтында Сыбайлас жемқорлыққа қарсы іс-қимыл жөніндегі іс-шаралар жоспары аясында «Мемлекеттік қызметтегі әдеп пен адалдық қағидаттары» тақырыбында семинар өтті.

Семинар спикері ретінде ҚР Мемлекеттік қызмет істері агенттігінің Алматы қаласы бойынша департаментінің Сыбайлас жемқорлықтың алдын алу мәселелері жөніндегі басқарма басшысы Н.Д. Тлешалиев сөз сөйледі.

Семинар барысында Қазақстан Республикасының сыбайлас жемқорлыққа қарсы заңнамасының негізгі ережелері қарастырылды. Қатысушыларға сыбайлас жемқорлық ұғымының құқықтық табиғаты мен мазмұны, сыбайлас жемқорлық құқық бұзушылықтарының субъектілері, сондай-ақ еліміздегі сыбайлас жемқорлыққа қарсы іс-қимылды реттейтін негізгі нормативтік құқықтық актілер түсіндірілді.

Сонымен қатар, мемлекеттік қызметшілердің әдеп нормаларын сақтауы, адалдық қағидаттарын ұстануы және жауапкершілігі мәселелеріне ерекше назар аударылды.