Өзбекстан Қытайдың инвестициялық жобаларындағы өз рөлін айтарлықтай арттырды. Бұл екі тарап — Қытай мен Өзбекстан жағынан да жүзеге асырылып отырған мақсатты стратегияның нәтижесі екенін Қытайтанушы, ФСДИ Салыстырмалы саяси зерттеулер орталығының жетекші ғылыми қызметкері Руслан Изімов атап өтті.

Оның айтуынша, негізгі факторлардың бірі — шамамен 10 жыл бұрын Өзбекстанда қабылданған институционалдық либерализация шаралары. Аталған реформалар бүгінде нақты нәтижелерін бере бастады.

 «Өзбекстан билігі тарапынан неғұрлым түсінікті әрі ашық жағдайлардың қалыптасуымен Қытайлық инвесторлар өз қатысуын біртіндеп кеңейте бастады», — деп түсіндірді сарапшы.

DW.com