2025 жылдың 20 мамырында Философия, саясаттану және дінтану институтының Дінтану орталығында Институт басшылығының тапсырмаларын орындау мақсатында «Дінтану орталығының қызметін жетілдіру міндеттері» атты әдістемелік семинар өтті.
Семинардың басты мақсаты – Дінтану орталығының ғылыми, сараптамалық және ағартушылық қызметінің сапасын арттыру, заманауи талаптарға сай дамыту жолдарын айқындау.
Іс-шараға Институттың бас және жетекші ғылыми қызметкерлері қатысты. Семинар барысында діни ахуалды зерттеу әдістерін жетілдіру, заманауи сын-тегеуріндерге ғылыми жауаптар әзірлеу, сондай-ақ дін саласындағы мемлекеттік саясатты қолдауға бағытталған бірқатар маңызды ұсыныстар талқыланды.
Семинар қорытындысы бойынша нақты ұсыныстар жинақталып, оларды іске асыру бойынша жұмыс жоспары әзірленеді.