25 қазан – Қазақстанның жаңа тарихындағы маңызды күндердің бірі. Дәл осы күні, 1990 жылы Қазақ КСР Жоғарғы Кеңесі мемлекеттік егемендік туралы Декларацияны қабылдап, еліміздің саяси және экономикалық дербестігін алғаш рет ресми түрде бекітті. Бүгінде бұл күн – Тәуелсіздігіміздің, ұлттық бірегейлігіміз бен бірлігіміздің символы ретінде Республика күні аталып өтеді.

Алматы қаласы Өңірлік коммуникациялар қызметінің баспасөз конференциясында осы атаулы күннің мәні мен оның әрбір қазақстандық үшін маңызы туралы айтылды. Іс-шарада Философия, саясаттану және дінтану институтының Бас директоры Айгүл Садвокасова сөз сөйледі.