Мемлекет басшысы «Қазақстан Республикасының ішкі саясатының негізгі қағидаттары, құндылықтары және бағыттары туралы» Жарлыққа қол қойды. Негізгі назарда – биліктің ашықтығы, әділдік және қоғамның сенімі. Құжат еліміздің ішкі саясатының басты қағидаттарын айқындайды:
«Заң және тәртіп», «Халық үніне құлақ асатын мемлекет», «Әртүрлі пікір – біртұтас ұлт», «Күшті Президент – ықпалды Парламент – есеп беретін Үкімет», «Адал азамат» және «Таза Қазақстан».

Бұл идеялар мемлекеттің әділдікке, ашықтыққа және қоғамдық сенімді нығайтуға ұмтылысын білдіреді.

 Айгүл Садвокасова,
Философия, саясаттану және дінтану институтының бас директоры, ҚР ҒЖБМ Ғылым комитеті:

– Бұл идеялардың барлығы бір ортақ бағытқа тоғысады – ол тәуелсіздігімізді нығайту, еліміздің дамуын жалғастыру. Қазір біз өтпелі кезеңді бастан өткерудеміз – бұл цифрлық дәуірге, жасанды интеллект кезеңіне өту уақыты. Бұл туралы Мемлекет басшысы өз соңғы Жолдауында да атап өткен болатын. Ішкі саясат – қоғамды біріктіретін, елдің тұтастығын сақтайтын мемлекеттік саясаттың маңызды бөлігі.

https://khabar.kz/ru/news/politika/178969-novye-napravleniya-vnutrennej-politiki-prezident-podpisal-...