26 қарашада Философия, саясаттану және дінтану институтында «Әлеуметтік және гуманитарлық ғылымдарда жасанды интеллектіні қолданудың этикасы, практикасы және стандарттары» тақырыбында стратегиялық сессия өтті.

Сессия барысында Цифрлық әлеуметтік ғылымдар орталығының қызметкерлері ғылыми-зерттеу қызметінде жасанды интеллекттің қолдану мүмкіндіктерін практикада көрсетті. Презентациялар бірнеше цифрлық платформалар негізінде өткізіліп, әлеуметтік және гуманитарлық зерттеулерде ЖИ қолданудың нақты мысалдары мен сценарийлері қаралды.

Қатысушыларға келесі практикалық құралдар ұсынылды:
 • ғылыми контентті талдау және жүйелеу;
 • үлкен мәтіндік деректермен жұмыс;
 • зерттеу деректерін құрылымдау;
 • ғылыми идеяларды жасау және нақтылау;
 • ЖИ қолдану арқылы зерттеу процестерін оңтайландыру.

Сессия барысында жасанды интеллектті қолданудағы этика және жауапкершілік мәселелеріне, академиялық адалдық қағидаларын сақтауға, сондай-ақ ғылыми тәжірибеде біртұтас стандарттарды қалыптастыру қажеттілігіне ерекше назар аударылды.

Стратегиялық сессия тәжірибе алмасу, өзекті мәселелерді талқылау және ЖИ-дің ғылыми-зерттеу тиімділігін арттырудағы нақты мүмкіндіктерін көрсету алаңы болды. Ұсынылған тәжірибелер әлеуметтік және гуманитарлық салада цифрлық шешімдерді енгізудің өзектілігін нақты көрсетеді.