Алматыда қала әкімі Дархан Сатыбалдының қатысуымен «Жаңа прогрессивті Конституция – біздің бірлігіміздің негізі: білім, ғылым, инновациялар, мәдениет» тақырыбында дөңгелек үстел өтті.

Іс-шара Алматыдағы Достық үйінде өтіп, сарапшыларды, ғалымдарды және қоғамдық ұйымдардың өкілдерін бір алаңға біріктірді.

Кездесуді ашқан қала басшысы Негізгі заң заман талаптарына сай болуы және қоғам сұранысына жауап ретінде жаңарып отыруы тиіс екенін атап өтті.

Оның айтуынша, конституциялық өзгерістер – бұл тек нормалар мен институттарды жаңарту ғана емес, сонымен қатар қоғамның ел болашағы үшін өз жауапкершілігін терең түсінуінің маңызды кезеңі.

Дөңгелек үстел жұмысына Философия, саясаттану және дінтану институтының бас директоры Айгүл Садвокасова қатысты.

Дөңгелек үстелге қатысушылар конституциялық реформаларды қолдай отырып, Негізгі заңды жаңарту қоғамдық диалогтың дамуына және заманауи құқықтық жүйенің нығаюына ықпал ететінін атап өтті.