21 тамызда Астанада «Болашақ бейнесі: нәтижеден – жаңа стратегияға» атты National Think Tank Forum өтті. Форумға мемлекеттік органдардың, ұлттық талдау орталықтарының басшылары, халықаралық ұйымдардың өкілдері, сарапшылық және академиялық қауымдастық өкілдері жиналды.

Форум жұмысына Философия, саясаттану және дінтану институтының бас директоры Айгүл Садвокасова қатысты.

Форум соңғы жылдардағы Қазақстанның дамуын жан-жақты талқылау және жаңа кезеңге арналған басымдықтарды анықтау үшін алаң ретінде қызмет етті. Басты назар адами капиталға, білім беру мен ғылымға, цифрлық трансформацияға және жасанды интеллектке, әлеуметтік тұрақтылыққа, экономикалық және өнеркәсіптік дамуға, энергетикаға және Қазақстанның халықаралық қатынастардың өзгермелі жүйесіндегі орнына аударылды.

«Бүгінгі Қазақстан: болашақты айқындайтын нәтижелер» атты бірінші сессия елде болған негізгі өзгерістерді және оның болашақ дамуының негізін құрайтын ресурстарды бағалауға арналды.

Форумның екінші сессиясы «Болашақ күн тәртібі: басымдықтар мен шешімдер» елдің болашақтағы даму бағыттарына бағытталды.

National Think Tank Forum қорытындысында Қазақстанның дамудың жаңа кезеңіне айтарлықтай ілгерілеумен қадам басып отырғаны атап өтілді. Жаңа күн тәртібі сандық нәтижелерден сапалық өзгерістерге, яғни адами капитал сапасына, цифрлық трансформацияға, технологиялық даму мен қоғамның өзгерістерге бейімделу қабілетіне басымдық беруді талап етеді.