Қазақстан Республикасы Ғылым қызметкерлері күніне орай ҚР ҒЖБМ ҒК Философия, саясаттану және дінтану институты SOCIOLOGY.KZ жаңа ғылыми журналының алғашқы санының жарық көргенін хабарлайды.

Аталған журнал Институт тарапынан әлеуметтану және сабақтас ғылымдардың өзекті мәселелеріне арналған мамандандырылған ғылыми алаң ретінде құрылды. Негізгі мақсаты - ғылыми пікірталастың дамуына ықпал ету, заманауи зерттеулерді жариялау, сондай-ақ Қазақстандағы және кеңірек халықаралық кеңістіктегі негізгі әлеуметтік үдерістерді ғылыми тұрғыда зерделеу.

Алғашқы нөмірде цифрлық қоғам, қоғамдық пікір, көші-қон, демографиялық үдерістер, дін әлеуметтануы, гендерлік және жастар зерттеулері сияқты кең ауқымды тақырыптар қамтылған. Бұл журналдың кәсіби пікір алмасу мен ғылыми зерттеу нәтижелерін таратуға арналған ашық платформаға айналуға деген ұмтылысын айғақтайды.

Журнал редакциясы әлеуметтанушыларды, философтарды, саясаттанушыларды, дінтанушыларды, тарихшыларды, экономистерді, сондай-ақ жас зерттеушілерді SOCIOLOGY.KZ журналының беттерінде өз ғылыми мақалаларын жариялауға шақырады.

Ғылыми қауымдастықтың күш-жігерін біріктіру Қазақстандағы әлеуметтік ғылымдардың одан әрі дамуына және ғылыми жарияланымдардың академиялық мәдениетін нығайтуға ықпал етеді деп сенеміз.