2026 жылғы 15 наурызда Қазақстан халқы референдумда жаңа Конституцияны қолдап, маңызды таңдау жасады. Сайлаушылардың 73,12%-ын құраған жоғары қатысу көрсеткіші қоғамымыздың саяси кемелдігін, азаматтық жауапкершілігін және ұйымшылдығын айқын көрсетті.

Академиялық орта өкілдері ретінде біз қабылданған Ата заңнан тек құқықтық тұжырымдардың өзгеруін ғана емес, терең құндылықтық трансформацияны көреміз. Жаңа мемлекеттік парадигманың орталығында адамға бағдарланушылық – әрбір азаматтың құқықтары, бостандықтары мен әл-ауқатының абсолюттік басымдығы бекітілген. Дәл осы қағидат шынайы «Әділетті Қазақстанды» құрудың басты шарты болып табылады.

Ғылыми қауымдастық ғылым, білім және инновациялардың еліміздің стратегиялық басымдығы ретінде конституциялық деңгейде мойындалуына ерекше қолдау білдіреді. Бұл «білім экономикасына» өтуді білдіретін және XXI ғасырдың жаһандық әлемінде ұлтымыздың бәсекеге қабілеттілігіне кепілдік беретін тарихи қадам.

Конституциялық реформа мынадай қағидаттарға сүйене отырып, озық әрі теңгерімді саяси жүйені қалыптастырады:
1. Институционалдық жаңару. Бір палаталы Құрылтайға өту дала демократиясының дәстүрлерін қайта жаңғыртады.
2. Тұрақтылық пен диалог. Вице-президент институтын енгізу саяси дағдарыстардан қорғауды қамтамасыз етеді, ал Халық кеңесін құру азаматтардың мемлекет шешімдеріне тікелей ықпал ету арнасын ашады.
3. Егемендік пен құндылықтар. Заң еліміздің тәуелсіздігін, зайырлылық негіздерін және дәстүрлі отбасылық құндылықтарды сенімді түрде қорғайды.
4. Уақыт талабына жауап. «Киберконституционализм» нормаларын енгізу қазақстандықтардың цифрлық деректерін сенімді қорғауды қамтамасыз етеді және сонымен қатар базалық әлеуметтік және еңбек кепілдіктерін күшейтеді.

Философия, саясаттану және дінтану институтының ғалымдары бұл жасампаз бағытты толығымен қолдайды. Озық ғылымның, берік саяси ерік-жігердің және халық қуатының синергиясы Қазақстан Республикасының жаңа тарихи дәуірде сенімді дамуын қамтамасыз ететініне кәміл сенеміз.